الف مبروك يا مبارك

نسائم الأقصى
ألــــف مبــــروك يا مبــارك
المشــير خدلك بتــــــارك
قوم افــــــرح و طفـــــي نارك
اغسل بدم مصـــر عارك
واحنا الشعب الاهبل ابو ريالة
ضحكت علينا بتنحي و استقالة
وقلتلنا هتاكلو من بعدي زبالة
وعملت عيان و بتموت على نقالة
قوم افرح و زقطط ده انهرده عيد
و فرح جمال و علاء و بتاع الحديد
قلهم المشير ولع في بور سعيد
و قلك الشعب و الجيش ايد في ايد
المجلس و الداخلية ماشين عالخطة تمام
هو يلغوش واحنا ننهب كمان يا سلام
نشغلهم في ماتش كوره و نولع شوية الاعلام
و يا سيدي ثورة و مالة اهو كله كلام في كلام
و يجي يقول :ما هو انتو يا ولادي الي خايبين
منا قلت يا انا يا الفوضي يا شحاتين
و ان رحت انا سايبلكو شوية محرومين
ينهشو فيكو و يدبحو فيكو بسكاكين
طب ماشي يا ابن الحرامية يا نصاب
و حياة دم اخويا لاقلبها عليك خراب
و هعرفك ان مصر مش شوية تراب
وان سألو مبارك فين ؟ هنقول طار الغراب
____________

[ندعوك للتسجيل في المنتدى أو التعريف بنفسك لمعاينة هذه الصورة]