بتكلم جد وعن تجربة

مشرفة أوسمتى :

مخنوووق مضايق اوى !!
على اخررررك خلاص !!
مقفله من كل ناحيه !!
طب ايه؟؟؟
ثوانى كدة ........
.
.
.
.
قول معايا
بسم الله الرحمن الرحيم
( الم نشرح لك صدرك و وضعنا عنك وزرك الذى انقض ظهرك و رفعنا لك ذكرك )
استنى !!
اقف دقيقتين بس كدة و اسرح فى اى لحظه قلت فيها يا رب و كان فى مشكله ملهاش حل و اتحلت بفضله سبحانه تعالى
طب فاكر الموقف الفلانى دة ياااا دى كانت بايظه بايظه يعنى ملهاش حل و سبحان الله اتحلت !!
و فاكر لما حصل كذا و انت اتضيقت اوووى و بعدين اكتشفت ان دة الخير و ان دة افضل شئ كان ممكن يحصلك !!
طب فاكر برضه لما كان نفسك فى حاجه اوووى و محصلتش و قاعدت زعلان و مهموم و بعد شويه لاقيت ان دة كان الخير و خير اوووى كمان
طب فاكر اليوم دة :(( انا كنت فاكر ان خلاص كدة بعد اللى حصل دة دى اخر الدنيا.....و ولا تطلعت اخرها ولا حاجه ادينى عايش اهو

طب فاكر لما كنت مخنوق اوى و شايف الدنيا سواد و قلت يا رب حلها من عندك و
فجأه لقيت واحد صاحبك بيكلمك و فضل يتكلم لحد مضحكت و كل الهم رااح
!!
طب افضل ارجع كدة بالذاكرة كم مره كنت فى ضيقه و هم و اتحلت من عند ربنا مش بس اتحلت لأ دى اتبدلت سعاده و فرح
يااااااه كتير والله
طب كمل بقى السورة
( فإن مع العسر يسرا إن مع العسر يسرا )
هو انت ليه فاكر المواقف دى ؟؟ عشان كان فى حاجه و اتقلبت لعكسها
عشان كنت فاكرها خلصت كدة!! و طلعت مخلصتش!!
عشان كنت فاكر انك خلاص كدة اتزنقت فى العسر : ( و اليسر مش جاى بعديه بس جه!!
ركز كدة ربنا سبحانه و تعالى مقلش بعد العسر يسرا لأ دة قال سبحانه
( إن مع العسر يسرا)
(مع) !! افتكر الكلمه دى كويس!
ياااااااه يا رب سبحانك يا كريم يا عظيم
دايما بحس ان ربنا بيرزقنا بالعسر ( ايوة بيرزقنا) عشان لما يجى اليسر
نفرح اوووى و ننبسط اووى و بدل ما تبقى ذكرى الهم تبقى ذكرى اليسر و الفرج و
كرم ربنا

ولو ماكنش جه العسر كنت ازاى هتفرح باليسر من بعده ولا هتحس بيه !
عمرك فكرت ان العسر ده نعمه !! ........... الحمد لله
عشان كده كل ما تبقى فى ضيقه او عسر متيأسش !! بالعكس!!
قول ياااااااا رب وانت كلك ثقه فيه و فى لطفه و كرمه
قول ياااااااا رب وانت كلك ثقه ان اليسر جاى
قول يااااااااااا رب و خليك فاكر (مع)
!!
إن مع العسر يسراااااا
(فإذا فرغت فانصب و إلى ربك فارغب )
صدق الله العظيم
اللهم لك الحمد على كل ما انعمت به علينا من عسر و يسر............... الحمد لله