يا ترى بيقولوا عليا ايه

مش عارفة انام من حرقة الدم اللي أنا فيها

انا عارفة انهم قاعدين يتكلموا عليا من ورايا

طول الليل والنهار شغالين في سيرتي

يا ترى بيقولوا عليا ايه

اكيد من اللي وصلني زمانهم بيشتموا فيا

الحقوووووني!

ضغطي علي

السكر جالي

فاصل ونواصل ابتسامة

في ايه يا بنتي ؟ مالك؟

بالراحة

اهدي كده واستهدي بالله

انتي لسه بجد بيضايقك كلام الناس؟

لسه بتهتمي وتقولي بيتكلموا عليا؟

لسه بتفكري ودماغك تجيب وتودي
وتحاولي تثبتي انك مش كده؟

لسه بتتعبي واعصابك بتبوظ ودمك بيتحرق؟

ليه؟

هو انتي مش عارفة ان الناس في كل الاحوال بتتكلم؟
كويسة
وحشة
غلبانة
غلطانة
مفترية

المهم يتكلموا وخلاص؟

دي حاجة بقت في الناس الا من رحم ربي
خلاص زي الاكل والشرب والنوم

افكرك بقصة جحا؟
لما كان مسافر هو وابنه بالحمار وراكبين عليه هما الاتنين
واول ما دخلوها الناس قالوا: شوفوا القساة دول راكبين هما الاتنين على الحمار المسكين
فلما جم يدخلوا القرية اللي بعديها نزل الولد من على الحمار عشان ما يتقالهمش كده
فاول ما دخلوها الناس قالوا: شايفين الاب القاسي؟ يركب هو وسايب ابنه ماشي؟
فلم جم يدخلوا القرية اللي بعديها نزل الاب وركب الابن
ولما دخلوها الناس قالت: شايفين الابن العاق؟ راكب هو وسايب ابوه الكبير ماشي!
فغضب جحا وقرروا ينزلوا من عالحمار خالص عشان محدش يقول حاجة
فلما دخلوا القرية اللي بعديها
قالوا: شايفين الحمقى؟
معاهم حمار وسايبينه وماشيين على رجليهم!!
فباعوا الحمار عشان يرتاحوا!!

انا معرفش مدى مصداقية القصة ولكني ذكرتها على افتراض صحتها
ولنأخذ منها العبرة

في كل الاحوال هما ما سلموش من كلام الناس
وباعوا الحمار
ومحدش هينفعهم لما يتعبوا
لو كانوا من البداية سابوا اللي يتكلم يتكلم ولا فكروا
ما كانش حصل كده

وقيل قديما: من راقب الناس مات هما

يعني اللي يفضل مراقب ومتتبع ومستني رأي وكلام الناس
بيفضل كده لحد ما يموت مهموم

وربنا سبحانه تعالى يقول:
{وإن تطع أكثر من في الأرض يضلوك عن سبيل الله }

انا ليه واجعة قلبي وبقوللك الكلام ده؟. ابتسامة

عشان بتضايق عالناس اللي بتمرض وبتتعب وبتتأذي وتعيط
وماتعرفش تنام من الالم والتفكير

حبيبتي خليها قاعدة
رضا الناس غاية لا تدرك
ورضا رب الناس غاية لا تترك

قاعدتك في الحياة واللي تبصي له هو

انتي اللي بتعمليه ده يرضي ربنا وللا لا
مش هيرضي الناس وللا لا

هقول لربنا ايه عاللي بعمله
مش الناس هتقول عليا ايه لما اعمله!

محدش عايش معاكي ولا عايش عيشتك ولا هيتعب تعبك
لما تعملي حساب كلامهم وتتخذي قرارات وتتجنبي حاجات تانية عشان خوف من كلامهم

فهمتي الفكرة؟

وبعد كده بقى سيبي اللي يتكلم يتكلم

وكل ما تسمعي عن حد متغاظ منك جاب ف سيرتك
افرحي
وقولي:
اهلا بحسنة لم أتعب فيها

يومكم جميل

يومكم رضا وحب وتفاؤل ورضا وقناعة

بحبكم في الله

[postbg=https://i.imgur.com/DcTM2Ng.jpg][ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
اهلا بحسنة لم أتعب فيها
يومكم جميل
يومكم رضا وحب وتفاؤل ورضا وقناعة
بحبكم في الله
 لروعــــــة وعظيم المعاتى وبراعة الاختيااااااااااااااااااار
انا
مشككككككككككككككككور
[ندعوك للتسجيل في المنتدى أو التعريف بنفسك لمعاينة هذه الصورة]
احبـك الذى احببتنـــــــــــا فييييييييييييييية
تسلمـــــــــــى ياشــــــــــدة ويا أحــــــــزان
يلى بينتى مصنــــــــــــع الرجااااااااااااااااااااال
[ندعوك للتسجيل في المنتدى أو التعريف بنفسك لمعاينة هذه الصورة]

[postbg=http://i8.glitter-graphics.org/pub/1057/1057628e5499n1ynb.gif]