بلغنى أيها المصرى التعيس

بلغنى أيها المصرى التعيس.. إنك إنشاء الله هاتروح فطيس.. بعد ما ضحيت بالغالى والرخيص.. وأهرقت الدم النفيس.. وسوف تقع فى حيص بيص.. لا لسبب عملته.. ولا لإثم ارتكبته.. ولكن لأنك ستقع بين مطرقة الجماعة.. وسندان البوليس.. فكلهم أعمام إبليس.. الذى صار منهم يستغيث.. لأنهم غلبوه فى التدليس.


بلغنى أيها المصرى الهمام.. أنه قد فلت من الوالى الزمام.. وملأ دماغنا كلام فى كلام.. وبيقولك الأمن مستقر تمام.. ولا فيه حد بيوقف القطارات.. ولا حد بيقفل الأقسام.. والشعب ف أمان بينام.. ويدعى للحكومة.. ويسبّح للنظام.. اللى شايف اللى البعض موش شايفينه.. والحقيقة أنه موش شايف اللى الكل شايفينه.. لأن الرؤية عنده متأخونة.. والشفافية متلونة.. على حسب الموقف.. وعلى حسب الكلام.. وإذا استمر الحال على دا الحال.. ومشت الأمور على هذا المنوال.. قول على مصر السلام.