مراحل تتطور الزواج فى مصر

مشرفة أوسمتى :

مصر الفرعونية
بابا انا عايز اتجوز اختى حت حور
خلاص يا ابنى خليها تنقل حاجتها فى أوضتك.. وابقى هاتلها حجرين صوان هدية..
مبروك يا تاح

مصر فى عصر الرومان
تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك ياللا

مصر بعد الفتح الاسلامى

ولدى خالد يا شيخ أحمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لابنتى .. وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' .... قيموا الافراح

مصر 1919

انت ح تتجوز بنت الحاج عبد الجليل .. انا كلمته خلاص ووافق ..وجهز أوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا .......
حاضر يابا

مصر 1960
بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى

مصر فى عصر الانفتاح

اخرسى يا بت... أنا اللى يتجوز بنتى لازم يكون عنده شقة تمليك وعربية

.

بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما

مصر 1990
البنت: بابا.. ريكو حييجى يقابلك بكره وهو راجع من المول .. متتكلمش معاه فى أى ماديات من فضلك انا بشترى راجل واحنا معانا كتير وبعدين الكلام فى المهر والعفش والقايمه والفرح ده موضه قديمه وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى
الاب: مبروك يا حبيبتى

مصر2011
بابى دودى اللى اتعرفت عليه من الشات مشغل الويب كام و عايز يكلمك علشان يقرأ معاك الفتحه اصله ملتزم اوى و مصمم يدخل البيت من ماسنجره اقصدى من بابه
الاب: على خيرة الله يا جيجى ده شكله فعلا ملتزم روحى شغلى الكاميرا و المايك واناهلبس انا و مامتك ونجى نقرأ الفاتحه ...مش انتوا اتفقتوا على كل شى يا روحى يلا ربنا يتمملكم بخير

أوسمتى :

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

مشرف أوسمتى :

[ندعوك للتسجيل في المنتدى أو التعريف بنفسك لمعاينة هذه الصورة]

» مراحل تطور الزواج فى مصر
» الحب فى مراحل العمر
» مراحل العمر عند الانسان
» مراحل تطور المرأة
» مراحل تحلل جسم الانسان في القبر