رساله الي شهدائنا الأجلاء

[ندعوك للتسجيل في المنتدى أو التعريف بنفسك لمعاينة هذه الصورة]


رساله منقوله للأمانه
وليست كره مني لرمز بلادي فأنا نا صري المولد وعاصرت النصر في عهد السادات ونعمت بالسلام مع مبــارك وما زلت أحبه وأقدره ولكن تلك الرساله لشهداء بلدي الاجلاء

رساله مؤثره جدا من حفيد الريس مبارك
من محمد علاء مبارك الذى توفى من فتره وهو طفل صغير

[ندعوك للتسجيل في المنتدى أو التعريف بنفسك لمعاينة هذه الصورة]

ازيك يامامي وحشتيني قوي انتي وبابي وأخويا الصغير وجدو وتيتة وعمو جمال وكل أصحابي
مـــصــــر كلها وحشتني يامامي يوم 25 يناير أصحابي في الجنة نادولي وقالولي
تعالي بسرعة يا محمد في ناس من بلدك دخلو الجنة قولتلهم مصــــــرييـــــن !
قالو أيوة دول شهداء كمان يا محمد جريت بسرعه معاهم أشوف الشهداء اللي من بلدي وأسلم عليهم وأفتخر بيهم وكل يوم بيجي شهداء تانيين ولما كثرو قوي يامامي وذادوا ووصلوا أكتر من 300 شهيد قلت لصحابي وأنا فرحان عارفين
دا أكيد جدو بيقود مـــصــــر في حرب تانية علي إسرائيل أو أعدء تانيين
روحت يامامي وقعدت معاهم علشان يحكولي عن جدو القائد واللي بيعملة وأسمع بطولاتهم ولما سألتهم هي مـــصــــر بتحارب مين وانتو استشهدتوا أزاي وفين ؟؟؟؟
وجدو كرمكم قبل ماتيجوا الجنة !!!
بصوا لبعض ومحدش رد !!!
سألت تاني ردوا عليا مين قتلكوا ؟؟؟؟؟
واتقتلتوا برصاص إسرائيل ولا مين ؟؟؟؟؟
وجدو عمل أية في اللي قتلكوا!
ولما بكيت لأول مرة لأن الجنة مافيهاش حزين قالولي لا مش إسرائيل دة رصاص مصــــــرييـــــن
يامحمد حراس جدك يا محمد هما اللي قتلونا لقتني مش فاهم حاجة صرخت وقلت مش عاوز اسمع حاجة وجريت ورحت قعدت لوحدي
لكن الشهداء جم وقالولي متبكيش يا محمد أنت ملكش ذنب وخدوني في حضنهم وطبطبوا عليا حسيت بدفا حضنك يامامي وهما بيضموني في صدرهم رفعت راسي وقلتلهم انتم طيبين قوي
قالولي مش أحنا بس اللي طيبين دة كل المصــــــرييـــــن طيبين
يامامي أنا مش هأسأل حصل اية ولا عاوز أسمع حاجة لكن قولي لجدو أنا مش أغلي من أي واحد منهم عند مامتو وزي ماحسيتي يوم ما أنا مت أوصفيلة كل ام حاسة بأية دلوقت وقولي لة أنتي لأني أنا مخاصمة
أزاي هان علية كل الناس دي ومعملش حاجة للي قتلهم قولي لة لازم يبرد قلوب الأمهات والأبهات دا الأبن غالي وأنتي عارفة يامامي ويابابي قولو لجدو أنة خلاص مبقاش ينفع يبقي رئيسها بعد اللي حصل جدو لازم يرتاح في بيتة ويسيب مـــصــــر لولادها هما أولي بيها
وأنا هأدعي لة ربنا يغفرلة
وقبل ما أخلص كلام يامامي أهم حاجة والكلام دة لبابي وعمو جمال وجدو قبل ماتسيبوها لولادها يديروها أوعي يكون يابابي في مالك أنت وعمو جمال وجدو حق لمـــصــــر وللمصــــــرييـــــن وخدتة أوعو يابابي أنا بحبكو ومقدرش أشوفكوا شايلين ذنب زي دة أوعوا يابابي مال الشعب الطيب الغلبان الشقيان تاخدوة معاكوا تصرفوا وتعيشوا منة بقيت حياتكوا أوعي يابابي أخويا الصغير ياكل ويعيش ويتربي بمال مش من حقة وفية مصــــــرييـــــن كتير مش لاقيين ساعتها تبقي كتبت عليا أفارق أخويا دنيا وآخرة لأنة لازم يتربي بمال حلال عشان أقابلة يوم في الجنة وقول لجدو وتيتة وعمو جمال وطنط خديجة أن الجنة حلوة قوي أحلي من أي حاجة ولا أي مليارات مش حلال تستاهل يضحوا بالجنة عشانها دا ربنا بيسأل عن كل جنية كسبتة أزاي وصرفتة في أيه والسلام عليكم ياعيلتي اللي بحبها والسلام تحية أهل الجنة