كنز الصراحة 2

موضوع: كنز الصراحة 2 السبت يناير 15, 2011 11:58 pm

دمتى لنا عضوه نشيطة متواجد برجاء الساحات

تدعمى الجديد قبل القديم

دمتى لنا عضوه يرسم البسمه

بخفة ردودك وجميل مشاركاتك

وطيب اخلاقك

ونبل تعاملك

فانتى ضيفتنا خلال الشهر القادم

فى كنز الصراحة

وهذة بطاقة التعارف الاساسية ان رغب العضو ان يعرفنا بها فلة مطلق الحرية

* الاســـــــم :

* محل الاقامة الحالى :

* تاريخ الميلاد:

* الحالة الاجتماعية :

* لماذا اختيار منتدى ابو مدحت :

* لقب العائــــلة :

* المهنـــــــــة :

* كلمة للذكـــــــرى :

* وضيفنا العزيز والكريم والغالى:

ام جنـــــــــــــــــــــــــــــــا

اميرة محمد مختار

مع خالص تحياتـــــــــــــى
لجميع اسرة المنتدى

مشرفة أوسمتى :

يا خبر ابيض انا فى كنز الصراحة ............ وبعد استاذ محمود
انا فى مسئولية كبيرة اوى يا جماعة وربنا يقدرنى عليها ( وماشى يا جناينى بس لما اشوفك هههههههههه )

* الاســـــــم : اميرة محمد مختار عبد الماجد
* محل الاقامة الحالى :الزيتون _ القاهرة
* تاريخ الميلاد: 14-12-1973

* الحالة الاجتماعية : مامة جنا وبس مافيش حالة تانى

* لماذا اختيار منتدى ابو مدحت :لاء بقى السؤال دة محتاج مجلدات لانى وجدت فية الروح الطيبة والحب فى للة من غيراغراض والاخوة والصداقة والارتياح النفسى هأقول اية ولا اية بس ............. عارفين الاية اللى بتقول ( ان للة عباد فى الارض اختصهم بقضاء حوائج العباد ) انتوا فعلا من عباد اللة اللى بتفرحوا قلبى وبتضيفوا البهجة والسعادة لقلبى وربنا ميحرمنيش منكم

* لقب العائــــلة : عبد الماجد الامين

* المهنـــــــــة : محاسبة

* كلمة للذكـــــــرى :لا تحاول ان تعيد حساب الامس وما خسرت فيه .............فالعمر حين تسقط اوراقه لن تعود مرة اخرى ............اذا كان الامس ضاع فبين يديك اليوم ..........واذا كان اليوم سوف يجمع اوراقه ويرحل......... فلديك الغد لا تحزن على الامس فهو لن يعود ولا تاسف على اليوم فهو راحل واحلم...... بشمس مضيئه في غد جميل مع من تحب

أوسمتى :

الاسم /حسين عمران موسى

كلمة للذكرى /ماهذه الدنيا إلا ممر لآخرة أتمنى أن تكون جنّات الفردوس ..

أجعل عملك في رضا الله ..
[ندعوك للتسجيل في المنتدى أو التعريف بنفسك لمعاينة هذه الصورة]

مشككككككككككككور لك من القلب حبيبى الغالى فارس المنتدى
حســـــــــــــــــين

(مسلم فخور)

على مشاركتك هذة وانا اسف للتعديل فى الصيغة لانة هنا لطرح مايدور فى فكرك من اسئلة او ماشابة للعضو الضيف

ولا تقلق دورك جاى بس اتمنى الصبر

وقبول اسفى للتعديل لكى الموضوع يبقى مناسب للتخصص الذى انشائة من اجلة

تحياتـــــــــى

أوسمتى :

بسم الله نبدء 1 -ام جنا في وقت الضيقة والزعل أول شخص تدورين عليه مين؟

2- إنسان يجيب لك الإكتئاب ؟

3-من الشخصيه اللي تحيرك دايما (في المنتدى )؟؟
4-حادثة حصلت لك وعمرك ماتقدرين تنسينها ؟ 5-ما هى طموحيك في الحياة؟؟؟
6-أحلى ذكرى مستحيل تنسينها ؟
7-ازكرى افضل10اعضاء فى المنتدى بالنسبه ليكى مع زكر السبب؟ 8-ممكن تقولى لمين 1-حسبى الله ونعم الوكيل2-تروح وترجع بالسلامه3-ربنا يشفيها 4-ياريت تقبل النصيحه 5-اسفه؟؟؟؟؟9-رساله الى (ابوجنا)و(جنا)

أوسمتى :

اخى مسلم فخور هذا الشهر لام جنا وان شاء الله تكون بعدها ...ارجومنك طرح سؤالك لام جنا.......اوعى تكون زعلان مع تحياتى ابو جمانه

مشرفة أوسمتى :

ام جنا في وقت الضيقة والزعل أول شخص تدورين عليه مين؟
بدور على نفسى وبس ودايما ببوح بأسرارى لنفسى وطول عمرى متعودة على كدة ودة غلط لانة ضغط على اعصابى

2- إنسان يجيب لك الإكتئاب ؟

اى حد يظلمنى ممكن يجيب لى اكتئاب

3-من الشخصيه اللي تحيرك دايما (في المنتدى )؟؟

ما فيش كلهم بالنسبة لى زى الكتاب المفتوح لانى بحب كل الاعضاء بجد

4-حادثة حصلت لك وعمرك ماتقدرين تنسينها ؟

انى اتجوزت كانت حادثة مرعبة ههههههههههههههه

5-ما هى طموحيك في الحياة؟؟؟

انى اشوف جنا بتكبر امام عينى وتكون نموذج صالح للبنت المتدينة لكن بإعتدال وبأسلوب عصرى
6-أحلى ذكرى مستحيل تنسينها ؟

14-12-2010 ومعلش خليها بينى وبين نفسى ولو سمحت الفرصة انتوا اول ناس هتعرفوا ان شأللة
7-ازكرى افضل10اعضاء فى المنتدى بالنسبه ليكى مع زكر السبب؟

ابو مدحت : لانة هو السبب اننا متجمعين دلوقتى

احمد بن بيلا : لانة حائط المبكى واخى الكبير المثقف الواعى الذى ارجع الية دائما فى اشياء كثيرة

الجناينى : لرقتة فى الرد وادبة العالى

ابو سهيلة : لذكائة وتفاعلة مع المواضيع ودايما بستفيد من موضوعاتة وردوة ايضا

استاذ بلال : ابو جمانة صح ......لروعة موضوعاتة

مسلم فخور: لجمال موضوعاتة

يوسف عوض : لانى بستفيد منة فى نصائحة للمرأة هههههههههههههه

والاستاذ اشرف ابو حيطة : لثقافتة الواسعة والمامة بجميع المواضيع

وحسن الحتام منى بدر وعايزة اقولها وحشتينى 8

-ممكن تقولى لمين

-حسبى الله ونعم الوكيل

شخص هو عارف نفسة كويس بس واللة من برة المنتدى ههههههههه

-تروح وترجع بالسلامه:صديقة لى فى فيينا

-ربنا يشفيها : تيتا الحاجة فاطمة جدة احمد بن بيلا

-ياريت تقبل النصيحه : كل شخص يظلم الناس

-اسفه؟؟؟؟؟ غالبا مش بعتذر لاحد

-رساله الى (ابوجنا): ربنا يخليك لجنا وبس

جنا : انتى نور عينى وربنا يخليكى ليا وزى صباح ما قالت ( يا ما نفسى اشوفها بتمخطر فوق جنب الشمس واكتب على باب السما يااسطى ممنوع اللمس تكبر قد ما تكبر تطول قد ما تطول جوة القلب هتفضل زى الاول واكتر)
ميرسى يا استاذ بلال وربنا يخلى ليك جومانة وتفرح بيها

[ندعوك للتسجيل في المنتدى أو التعريف بنفسك لمعاينة هذه الصورة]

النجمة عالية المقام

ام جنــــــــــــــــــــــــــا

كدة بالصلاتة على المختار

انا سعيد لجلوسك هنا والود ان املك كل المفاتيح اللى مخبياها من الاعضاء

لكى افتح كل الكنوز التى تحتوى فكرك الواعى

ومن حسن الحظ اليومين دول ايام امتحانات للابناء

يعنى الجميع مشغول ومش منتبة انك موجودة فى حضرت منتدى ابو مدحت

الا وان كنتى هتجدى مالا يحمد عقباة

والان اتمنى ان تكونى صريحة وتفتحى بعض كنوزك الذهبية

لامتلك من مافيها فاليكلى التالـــــــــــــــــــــــى :

من معلوماتك

*الضمــــــــــير- اوصيفه لنا

* ماهو وجة التشابة بين الكمبيوتر - التاكسى - الحفرة

* ماهو الشئ الذى يشبة بالتمام والكمال لنصف التفاحة

* شئ تملكة انت ويستعملة غيرك

* عندما تقراء على الحائط احترس من الدهان لا تصدق وتجرب بصبعك

* من تختار ليمسح دموعك

* ماذا ستكتبى لنا لتعبرى عن حياتك التى عشتيها فى كلمات قليلة

* هوايتك التى تخفيها عنا

* لماذا نفتح فمنا عندما نطعم الطفل يعنى هو نحنوا اللى هناكل

* شى غير مجرى حياتك

* رايك بجلوسك هنا والفكرة نفسها

* غرق المنتدى ومعكى قارب لا يحمل الا ثلاث من تاخذ معك

ولح كدة هود نااااااااااااااا

وفاصل وهنواصل

ان احيانا اللــــــــــــــة

مشرفة أوسمتى :

............الا وان كنتى هتجدى مالا يحمد عقباة

يعنى افهم من كدة ان لو لم اجب بصراحة هيحصل حاجات مش كويسة يا ماماااااااااااااااا

لاء خلاص واللة العظيم اقول الحق بس على فكرة واللة من امبارح وانا بحاول احاوب واعتمد الرد وبرضة مش بيظهر يمكن دى إرف ههههههههههههههه المهم

*الضمــــــــــير- اوصيفه لنا

اعتقد انة قدرة الفرد على التمييز والتفرقة بين الخطأ والصواب والحق والباطل سواء فى اقوالة او افعالة واعمالة فيشعر بوخز يألمة ليفعل الصواب دائما فالضمير كوكتيل من الحق والخير والجمال

* ماهو وجة التشابة بين الكمبيوتر - التاكسى - الحفرة

ههههههههههههه الكمبيوتر حاسب الى

والتاكسى حاسب يا اسطى

والحفرة حاسب لتقع

* ماهو الشئ الذى يشبة بالتمام والكمال لنصف التفاحة

يا لهوى دة انا لو سألت جنا هتقولى نصفها التانى يا جناينى

* شئ تملكة انت ويستعملة غيرك
اسمـــــــــــــــــــــــــــى

* عندما تقراء على الحائط احترس من الدهان لا تصدق وتجرب بصبعك

السؤال دة بقى انا سيباة ليك ترد علية

* من تختار ليمسح دموعك
بابا*

ماذا ستكتبى لنا لتعبرى عن حياتك التى عشتيها فى كلمات قليلة

انسانة بسيطة واللة مقبلة على الحياة.......... مؤمنة انها قصيرة جدا ......... عايشة يوم بيوم عايشة الدهر كالشهر والشهر كاليوم ........ كرمنى اللة بالامومة ........ واعطانى قلبا بة حب وحنان لكل من حولى لاء لكل الناس ...... احاول انا احب واخلص واجتهد واعطى وامنح واهوى واعشق واتمنى ............. انا شايفة انى عندى عيبين الاول انى مش بعرف اشيل قرش لبكرة كل دخلى رايح على مظهرى انا وطفلتى يمكن لانى معتمدة فى تأمين مستقبلها على باباها يمكن ............وكمان عصبية زى كل مواليد برج القوس بس بحاول اتخلى عن عصبيتى وبجتهد فى ذلك ولكنى سرعان ما اهدأ فى ثوانى معدودة وارجع لعادتى لطبيعتى . وبس*

هوايتك التى تخفيها عنا

السبـــــــــــــــــــــــــاجة دة انا عويمة جامدة بس فى الرمل ماليش دعوة بالبحر

* لماذا نفتح فمنا عندما نطعم الطفل يعنى هو نحنوا اللى هناكل

يا ترى لية ؟؟؟؟؟؟؟؟؟؟ ممكن ترد على السؤال دة يا جناينى

* شى غير مجرى حياتك

انجابى لجنا حبى انا

* رايك بجلوسك هنا والفكرة نفسها

بكل المقايس فكرة هايلة وبتقربنا من بعض وبتعرف اكتر على بعض على استحياء وبأسلوب شيك وراقى اما عن جلوسى تحديد طبعا دة شرف كبير ليا لا ادعية .
* غرق المنتدى ومعكى قارب لا يحمل الا ثلاث من تاخذ معك
احمد بن بيلا

والجناينى

وابو سهيلة

وهنزل انا ومكانى يصعد ابو مدحت

كلمة اخيرة ارهقتنى يا جناينى هههههههههههههههههههههه

نبدء بسم الله

1-*ماهي الالوان المفضلة لديك؟

2-*اسوأ شيء حدث لكي لا تريدي تكراره؟

3-*فرحة لن تنسيها؟

4-*هل حققتى كل احلامك؟ تقدري تقولي ماهي؟

5-*كلمة شكر لمن تهديها؟

6-*كلمة عتاب لمن تهديها؟

7-*جملة تقوليها ويسمعك العالم باكمله؟ ماهي؟

8-*ماذا يعني لك منتدى ابومدحت؟

9-*كيف تنظرين للحياة (بشكل عام)؟

10-*كيف تعبرين عن فرحك دائماً؟

11-*متى تشعري بأنك قريبه من نفسك؟

12-*متى تشعرين بالراحة والسعادة؟

13-*ماهو الشي الذي امامك ولكن صعب الوصول اليه؟

14-*ماذا اخذتي من النت وماذا اعطيتيه؟

15-*ماهي حكمتك بالحياه(افضل حكمه من وجه نظرك)؟

16-*خمسة اعضاء لن تنسيهم ابداً وتحبين قراءة مواضيعهم او

تسعدين لوجودهم في مواضيعك؟

17-*بيت شعر مقرب منكٍ جدا ؟

18-*شاعرك المفضل؟

19-*مطربك المفضل؟

20-*ماهو رأئيك فى العضو *يوسف عوض*والجناينى*؟؟

***انتهت اسئلتي ان شاء الله كانت خفيفه ؟؟؟؟***

مشرفة أوسمتى :

اميرة محمد مختار كتب:: 20 سؤال دى اسئلة خفيفة ........ ههههههههههههههه ............... حرام عليك يا نجم النجوم ................ طيب ممكن استعين بصديق ........... عموما انا هاحاول

نبدء بسم الله الرحمن الرحمن الرحيم

1-*ماهي الالوان المفضلة لديك؟

الابيض والازرق

2-*اسوأ شيء حدث لكي لا تريدي تكراره؟

السؤال دة صعب ومش هاعرف اجاوب علية بجد

3-*فرحة لن تنسيها؟

يوم تخرجى من الجامعة و يوم ما فقست جنا ههههههههههه

4-*هل حققتى كل احلامك؟ تقدري تقولي ماهي؟

لاء طبعا محققتش احلامى كلها انا شخصيا طموحة و حاسة انى لحد يوم ما اموت هيكون عندى احلام لسة بفكر فيها بس حلمى الحالى اللى بفكر فية اركب عربية من غير دبرياج ههههههههه وجنا تنجح فى كى جى تو بإكتساح
5-*كلمة شكر لمن تهديها؟

لحضرتك ولجميع اعضاء المنتدى

6-*كلمة عتاب لمن تهديها؟

وبعدين فى السؤال دة ............... شخص عارف نفسة كويس وبلاش اقول اسمة

7-*جملة تقوليها ويسمعك العالم باكمله؟ ماهي؟

ربنا يخلى بابا و ماما ويديهم الصحة وطول العمر

8-*ماذا يعني لك منتدى ابومدحت؟

ياااااااااااااااااااااااااااااااة .......... يعنى معقول انتوا مش حاسين هو واحة الراحة والدعم النفسى بالنسبة لى
9-*كيف تنظرين للحياة (بشكل عام)؟

انا مودية ومزاجية يعنى نظرت للحياة تبعا للحالة اللى بكون عايشاها

10-*كيف تعبرين عن فرحك دائماً؟

بسمع عبد الحليم حافظ

11-*متى تشعري بأنك قريبه من نفسك؟

طوال الوقت انا قريبة من نفسى هو انا خلفت الا اميرة هههههههههههه
12-*متى تشعرين بالراحة والسعادة؟

لما برجع حق مظلوم وانصفة على اللى ظلمة .

13-*ماهو الشي الذي امامك ولكن صعب الوصول اليه؟

هبقى اقولك بينى وبينك لما اشوفك مينفعش كدة على الهوا هههههههههه

14-*ماذا اخذتي من النت وماذا اعطيتيه؟

اخذت منة انة عرفنى بيكم سواء منتدى حضرتك او منتدى ابو الريش بحرى

15-*ماهي حكمتك بالحياه(افضل حكمه من وجه نظرك)؟

اتق شر من احسنت الية

16-*خمسة اعضاء لن تنسيهم ابداً وتحبين قراءة مواضيعهم او تسعدين لوجودهم في مواضيعك؟
خمسة بس كدة مش هينفع ....... عبير الزهور ومنى بدر وابو مدحت وابو سهيلة والجناينى واحمد بن بيلا
17-*بيت شعر مقرب منكٍ جدا ؟

وسترجع يوما يا ولدى مهزما مكسور الوجدان

وستعرف بعد رحيل العمر بأنك كنت تطارد خيط دخان
18-*شاعرك المفضل؟

نزار قبانى وابراهيم ناجى وعمر الخيام بعد ترجمة رباعياتة

19-*مطربك المفضل؟

طبعا عبد الحليم حافظ
20-*ماهو رأئيك فى العضو *يوسف عوض*والجناينى*؟؟

لا يا راجل هههههههههههههه اتصور الاتنين فيهم شبة من بعض لدرجة انى بيتهأيلى انهم شخص واحد طبعا هما من اكثر الاعضاء تفاعل وتواصل مع المنتدى كل المواضيع مفيدة وكل الردود مهذبة وفيها من الموضوع نفسة بل فيها الكثير من المعلومات التى تضيف للموضوع .

***انتهت اسئلتي ان شاء الله كانت خفيفه ؟؟؟؟***

يا لهوى هو فى اخف من كدة ههههههههههه ماشى يا نجم مسيرك هتقعد على كرسى الاعتراف وهاخليك تقول حقى برقبتى

[ندعوك للتسجيل في المنتدى أو التعريف بنفسك لمعاينة هذه الصورة]

أهلآ أنتي شرفتي هنا معانا علي الصراحه

أتحمليني أختاه الي أن يفرجها الله من عنده

1:- ماهو تحليلك للحاصل الأن في الشارع المصري ؟

2:- هل أنت مع التغيير في النظام دون التخريب بالبلد؟

3:- ما هو رأيك في شباب هذا الجيل الحالي بمصر ؟

4:- ماذا تتمنين لمصر في الغد هل نفس السياسيين القائمين عليها أم التغيير أفضل ؟

5:- أن حدث ووجدتي نفسك بداخل مظاهره يحدث بها تخريب للأملاك العامه والخاصه فماذا أنت فاعله ؟
الايمان بالله واحياء الضمير والحب الحقيقى والتعاون والتكامل تنظيم وليست البلطجه والسلب والنهب السلام هو الحل وليس الحرب عايزين نتحلى بالصبر ولا نسمع الا لوطنيتنا وضمائرنا الحيه ونتجاهل من يريدونها تولع

[ندعوك للتسجيل في المنتدى أو التعريف بنفسك لمعاينة هذا الرابط]

كفايه عليكي كده ونكمل بعدين فاصل ونواصل

بس يا ريت الأجابات تكون وافيه ولا تهمشي المهم

بداخل عقلك ولكي خالص تحياتي

مشرفة أوسمتى :

1:- ماهو تحليلك للحاصل الأن في الشارع المصري ؟

اللى حصل دة طبيعى جدا دة كمان اتأخر جدا كان مفروض يحصل من زمان احنا كلنا
مخنوقين من البطالة وغلاء الاسعار والبلطجة وفين مجانية التعليم اللى بيقولوا عليها يا ابو سهيلة انا امبارح السبت نزلت السوق لقيت ارخص خضار الخيار ب 4.5 جينة ةالفاصوليا الخضراء اللى كانت من ارخص الخضروات لقيتها ب 8 ج دة غير اسعار اللحوم والدواجن والاسماك دة غير فواتير الكهرباء والمياة ....... يا ابو سهيلة انا واللة روحت اجدد رخصة العربية قسما باللة دفعت ضعف اللى دفعتة العام الماضى دة غير 180 وثيقة تأمين اجبارى وقولتلهم انا مش عايزاها قالولى دى اجبارى الفلوس دى بتروح لميزانية وزارة المالية وبعد كدة بتروح فين .

2:- هل أنت مع التغيير في النظام دون التخريب بالبلد؟

ايوة انا مع تغيير النظام ودون تخريب بالبلد دى بلدنا واحنا كلنا بنحبها ولازم نحافظ عليها المظاهرات بدأت برقى وبشياكة وسلمية لية قلبت كدة اية اللى حصل . حضرتك فى الرياض مشفتش اللى بيحصل عندنا فى حاجات الفضائيات مصورتهاش كل مجموعة من الشباب فى الاحياء جمعت نفسها وهما اللى امنونا وخلونا ننام فى سلام خايففين علينا من البلطجية وسهرانين طول الليل ....... الشرطة خانت البلد ومافيش حد بيحمينا ...... على فكرة الساعة دلوقتى 10.30 صباح يوم الاحد طلعت 19 رحلة خاصة بها رجال اعمال هربانين بأموالنا انا من الساعة 9 فى مساكن شيراتون صلت المطار 10.10 والطريق كان مقفول وحولى عربيلت فارهة بها رجال اعمال وزوجاتهو وابنائهم ...... يا ابو سهيلة حصلت خيانة عظمى الشرطة باعت البلد .

3:- ما هو رأيك في شباب هذا الجيل الحالي بمصر ؟

شباب واعد بس مطحون ومش لاقى فرصة انة يكبر ويعلو بس ان شأللة كلة هيتلحق لان مصر بلد اسمها مذكور فى القرأن وربنا حافظها انا انشأللة .

4:- ماذا تتمنين لمصر في الغد هل نفس السياسيين القائمين عليها أم التغيير أفضل ؟

لاء طبعا افضل التغير وانا متفائلة حدا باللواء احمد شفيق رئيس الوزارة الجديد لانة كان وزير الطيران وكان اب واخ لينا جميعا وكان دايما بيجتمع بينا وبيوعدنا بمستقبل افضل قسما باللة يا ابة سهيلة انة اجتمع بينا يوم 29 -11 وقال الازم اصحح اوضاعكم دة كيلو اللحمة ب 70 ج . رجل فاضل وانا شخصيا متفائلة بية لانى عاشرتة عن قرب . والنهاردة حالة حزن عندنا فى المطار لانة سابنا.5:-

أن حدث ووجدتي نفسك بداخل مظاهره يحدث بها تخريب للأملاك العامه والخاصه فماذا أنت فاعله ؟

على الاقل هانصح الناس بقدر استطاعتى انها تكون مظاهرات سلمية ولا للتخريب .
كفايه عليكي كده ونكمل بعدين فاصل ونواصل
يا لهوى ........... لسة هنواصل هههههههههه

» كـــــــــــــنز الصراحة
» الصراحة الجارحة