التطور الطبيعى للمواطن المصرى

مشرفة أوسمتى :

>
> التطور الطبيعي للمواطن المصري
> بقلم د. غادة عبد العال
>
>
> يعكف علماء الأنثروبولوجيا (وهو علم دراسة الإنسان وتطور بنية المجتمعات
> الإنسانية اجتماعيا وثقافيا وسلوكيا) على دراسة التطورات الحادثة للمواطن
> المصرى ونشوء أنواع جديدة من المواطنين المصريين كانت هى التطور الطبيعى
> للمواطن المصرى للتكيف مع الظروف الحياتية اليومية، خد عندك مثلا..
> المواطن الــ (إل. سى. دى) :وهو مواطن مضغوط الحجم مسطح يثبت كفاءة عالية
> فى الوقوف فى طوابير العيش وفى أتوبيسات النقل العام.. مساحة أصغر =
> كفاءة أعلى وتوفير فى المساحة وعدد الأتوبيسات وحماية دائمة من اتهامه
> بالتحرش بمن تقف أمامه فىالطابور،
> المواطن الانتحارى :تقابله فى إشارات المرور عند عبور الشارع.. داخل
> مسكنه فى عمارات آيلة للسقوط منذ عشرات السنين وفوق أسطح قطارات السكة
> الحديد بل وداخلها يجلس صابرا محتسبا منتظرا قضاء الله وقدره (حد هياخد
> أكتر من عمره؟.. ونعم بالله)
>
> المواطن النطاط :تراه عند بوابة عبور المترو (لأسباب اقتصادية بحتة)
> وعند الحواجز الحديدية فى أى ميدان (ده يا إما كسل من العثور على مكان
> العبور الصحيح أو بيكون ياعينى غلب حماره) وفى جميع الشوارع بعد هطول
> الأمطار وقد اكتسب هذا المواطن تلك القدرات الرياضية الفذة بعد سنوات
> وسنوات من التدريب على الجمباز الإيقاعى الذى يضطر إلى ممارسته كل صباح
> من أجل تخطى الحفر والمطبات وبرك المياه الدائمة فى شارعه
> العشوائى الحبيب،
>
> المواطن سريع الاشتعال :افتح بقك معاه بأى اعتراض..المس عربيته بعربيتك
> فى أى إشارة.. فاصله فى حساب التاكسى أو كيلو الخضار.. بصله بصة بس ما
> تعجبوش واستعد للانفجار.. شتيمة من العيار الثقيل واستخدام للأيدى
> والأرجل ومش بعيد يغزك بقرن غزال لو قلتله صباح الخير بطريقة ما
> تعجبوش(إنت لازم تبقى ذوق برضه الناس على آخرها، خف تعوم)
>
>
> المواطن الممتعض :وتقابله فى جميع المصالح الحكومية يتميز بفم مقلوب
> دليل على القرف الشديد من حضرتك، وعيناه شديدتا الملاحظة لكل شىء إلا
> سعادتك وأذن من طين وأخرى من طين أيضا وملامح سمحة تطفش الخميرة من البلد
> كلها إلا إذا عرفت سكة درج مكتبه وخليت عندك دم وطلعت بالمعلوم( مرتب
> الحكومة بعيد عنك يقلب الطيب شرير )
>
>
>
> المواطن الملتهب :وهو مواطن دائما ما تحيطه هالة من الدخان.. أبيض..
> رصاصى.. أزرق.. كل حسب مقدرته يتدرج من السيجارة البريئة اللى بيخرج فيها
> غله للسيجارة غير البريئة اللى بتخليه يطير يطير يطير زى العصافير وهو
> الحل الوحيد من وجهة نظره لمواجهة ضغوط الحياة وتصريحات الحكومة والأزمة
> الاقتصادية العالمية والأخبار المنشورة يوميا فى جميع الصحف عن مرتب مدرب
> المنتخب وتكاليف مسلسلات رمضان..
> المواطن البلوتوث :وهو ناقل جيد جدا للمعلومات.. نميمة بأه وتقطيع فى
> فروة الناس وطالما مش عارف يحقق حاجة لنفسه فهو يستمتع بمحاولة هدم
> الآخرين ما هو بلوتوث يعنى مواطن نابه أزرق..
> المواطن أبوالعيال :وشعاره امشى جنب الحيط وإذا لزم جواه.. خليك فى حالك
> تاكل عيش.. ابعد عن القضايا لتتبهدل يا ضنايا.. واللى نعرفه أحسن من اللى
> ما نعرفوش (وقد وصل لتلك الفلسفة العميقة بعد عمر طويل من قراءة جرائد
> المعارضة ومذكرات معتقلين سابقين ومشاهدة أفلام مثل الكرنك وزوجة رجل مهم
> وأخيرا كليبات أقسام الشرطة الشهيرة على مواقع الإنترنت)
>
>
>
> المواطن المفروس :وهى الفصيلة التى تنتمى لها كاتبة هذا المقال وهى
> فصيلة أتمنى أن يكون عدد أفرادها فى ازدياد.. فصيلة ترفض الرضا بالأمر
> الواقع وأنه ليس فى الإمكان أفضل مما كان وتؤمن بأن الشعور بالفرسة هو
> شعور صحى ومفيد وأول خطوة على طريق التغيير

[ندعوك للتسجيل في المنتدى أو التعريف بنفسك لمعاينة هذه الصورة]

والله صدقتي يا أم جنا
وبرافو عليكي أنك جبتي لنا المقاله دي
وده بالفعل التحليل المنطقي للمواطن المصري بكل
طوائفه شكرآ لكي علي هذا الموضوع الشيق

> المواطن الانتحارى :تقابله فى إشارات المرور عند عبور الشارع.. داخل
> مسكنه فى عمارات آيلة للسقوط منذ عشرات السنين وفوق أسطح قطارات السكة
> الحديد بل وداخلها يجلس صابرا محتسبا منتظرا قضاء الله وقدره (حد هياخد
> أكتر من عمره؟.. ونعم بالله)

هذا هو الوصف الحقيقى للمواطن المصرى المطحون والمغلوب على امرة

مشكورة الاخت الفاضلة ام جنا على الموضوع

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

موضوع مميز منك

يا ام جنـــــــــــــــــــــا

انتى ماخليتى مواطن فى حالة فصفصتيهم

واللة موضوع جديد وشيق

مبدعة ومواضيعك بتحكى لنا كتير من الواقع

مشككككككككككككككور

[ندعوك للتسجيل في المنتدى أو التعريف بنفسك لمعاينة هذه الصورة]

أوسمتى :

مشكورا يا ان جنا
بس مش عارف بحبي العندليب
ولة بحبي الزمالك
ههههههههههه
تقبلي مروري

أوسمتى :

شكرأ لاختنا الكريمة على موضوعك

مشرفة أوسمتى :

شكرا لكم جميعا على تفاعلكم مع الموضوع ومروروكم علية

أوسمتى :

[ندعوك للتسجيل في المنتدى أو التعريف بنفسك لمعاينة هذه الصورة]

مشرفة أوسمتى :

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

مشرف أوسمتى :

[ندعوك للتسجيل في المنتدى أو التعريف بنفسك لمعاينة هذه الصورة]

» نسمات الخير للمواطن المصرى
» العثور على كهف من الألباستر الطبيعى
» مصر مركز الغاز الطبيعى
» ملــف شامل جميع امراض الدنيا بعلاجها الطبيعى فى سطر واحد بس
» من هو المصرى ..؟؟؟؟