شعراء حديث2

السكه مفروشه تيجان الفل و النرجس
و القبه صهوة فرس عليها الخضر بيبرجس
و المشربيه عرايس بتبكي و البكى مشروع
من ذا اللي نايم وساكت و السكات مسموع
سيدنا الحسين؟
ولا صلاح الدين
ولا النبي
ولا الإمام؟
دستور يا حراس المقام
ولا الكلام بالشكل دا ممنوع؟
على العموم أنا مش ضليع في علوم الأنضباط
أبويا كان مسلم صحيح و كان غبي
و كان يصلي ع النبي عند الغضب و الأنبساط
أبويا كان فلاح تعيس
في ليله ضلمه خلفوه
و ف خرقه سودا لفلفوه
و ف عيشه غبرا طلعوه
و عشه مايله سكنوه
و لصموه
و طلسموه
و دجنوه
و جهزوه
و جوزوه على عماه
فكان محير في هواه
ما بين امي و الجاموسه
و كان يخاف يقتل ناموسه
و كان خجول .. خجول .. خجول
و كان دايما يقول
استغفر الله العظيم من باب الأحتياط
أبويا طلعتوه حمار
فكان طبيعي يجيبني جحش
لا اعرف نبي من أجنبي
و لا مين ما جاش ولا مين ما رحش
موسى نبي
عيسى نبي
كمان محمد كان نبي
و يا قلبي صلي ع النبي
و كلنا نحب النبي
و كل وقت وله أدان و كل عصر و له نبي
و احنا نبينا كده من ضلعنا نابت
لا من سماهم وقع ولا من مرا شابت
ولا انخسف له القمر ولا النجوم غابت
أبوه صعيدي و فهم قام طلعه ظابط
ظبط على قدنا و ع المزاج ظابط
فاجومي من جنسنا
ما لوش مرا عابت
فلاح قليل الحيا إذا الكلاب سابت
ولا يطاطيش للعدا مهما السهام صابت
عمل حاجات معجزه .. و حاجات كتير خابت
و عاش و مات وسطنا
على طبعنا ثابت
و ان كان جرح قلبنا
كل الجراح طابت
ولا يطولوه العدا
مهما الأمور جابت

ليييييييييييييييييه كدددددددددددددددده

انت بتقول ايه

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لكل من ساهم بالراد
واخى العزيز عادل القصيده
لى الشا عر احمد فؤاد نجم
ولى الامانه العلمى لم احزاف اى بيت منه
وكنت نوى احزاف بعض الابيات
القصيده اسمه(زيارة الى ضريح عبدالناصر)

ياريتك حزفت احسن

بس والله مش تقليل منك

ولكن للكلمات نفسها عن الاب

علي العموم مششششششششششششكككككككوووووورررر